PARA LARGIMIT NGA IRAKU, 37 TRUPAT USHTARAKE KOREANE PRANOJNË ISLAMIN

“U bëra musliman, sepse ndjeva se Islami ishte më humanitar dhe më paqësor se sa religjionet tjera. Dhe nëse keni mundësi të lidheni fetarisht me vendorët, mendoj se do të ishte një ndihmë e madhe për zbatimin e misionit tonë paqësor të rindërtimit.” Kështu thanë të premten këta ushtarë koreanë, të cilët ndërruan fenë dhe kaluan në Islam para largimit të tyre në fund të Korrikut nga qyteti kurd Irbil, në veri të Irakut.

Në mesditën e së premtes, 37 pjestarët e njësitit Zejtun (“Zaitun Unit”) të kufirit të Irakut, përfshirë edhe togerin Son Hyeon-ju i Forcave Speciale të Brigadës së 11-të, ia mësynë xhamisë në Hannam-dong, dhe bënë ceremoninë e kalimit në Islam.

Kapiteni Son Jin-gu nga Njësiti Zaitun përsërit betimin në ceremoni për të shënuar kalimin e tij në Islam në xhaminë në Hannam-dong, Seul të Premten. /Yonhap

Ushtarët, të cilët kishin larë trupat e tyre në përputhje me parimet islame, bënë ceremoninë e kalimit të tyre në Islam gjatë faljes së xhumasë në xhami - të premten para xhematit me ndihmën e imamit.

Të gjithë muslimanët dhe ushtarët koreanë, me përjashtim të imamit, qëndronin në një saf të drejtë gjë që simbolizonte se të gjithë janë të barabartë para Zotit dhe që interpreton një shprehi (shfaqje) të besimit (fesë).

Ata mësuan përmendësh dëshminë islame në arabisht: “Esh-hedu en la ilahe il-lall-llah ve esh-hedu enne Muhammeden abduhu ve resuluhu”, që do të thotë: “Dëshmoj se nuk ka zot tjetër përveç Allahut dhe Muhammedi është i Dërguari i Tij”.

Ushtarët nga Njësiti Zaitun falen pas ceremonisë së kalimit në Islam në xhaminë në Hannam-dong, Seul të Premten. /Yonhap

Për më shumë, edhe me drejtimin e besimtarëve kah Qabja, vendi i shenjtë islam në Mekë të Arabisë Saudite, muslimanët konfirmojnë se të gjithë ata janë vëllezër.

Për këta ushtarë koreanë, të cilët hynë në Fenë Islame, rastet e tyre të fundit që përmes Njësisë Zaitun kontaktuan me Islamin rezulton të jetë bindës dhe vendimtar.

Duke marrë parasysh edhe faktin se shumica e banorëve të Irbilit janë muslimanë, andaj dhe Njësia ka dërguar gjithmonë pjesëtarët e saj jofetarë në xhaminë e Hannam-dongut, ku ata mund të vinin ta kuptonin Islamin. Disa prej tyre që merrnin pjesë në këtë program ishin magjepsur me Islamin, andaj edhe vendosën të kalonin në Islam.

Një zyrtar i njësisë tha se ushtarët ishin të frymëzuar se sa i rëndësishëm ishte konsideruar homogjeniteti religjioz në Botën Muslimane; nëse i takoni fesë nuk trajtoheni si i huaj, por si një vendor dhe muslimanët nuk i sulmojnë asnjëherë gratë muslimane qoftë edhe në luftë.

Tetari i Njësisë Zaitun Paek Seong-uk (22) nga Divizioni 11-të i Armatës tha: “Unë jam përgatitur në arabisht në një kolegj dhe nëpërmes Kur’anit kisha një interesim edhe më të madh për Islamin dhe u parapërgatita plotësisht i vëmendshëm të bëhem musliman gjatë kësaj periudhe të eksperiencës religjioze (të siguruar nga Njësia Zaitun)”.

Ai shpreh synimet e tij: “Nëse ne dërgohemi në Irak, dëshiroj të marr pjesë në ceremonitë fetare të vendorëve ku ata të ndienin dashurinë vëllazërore dhe t’i bindim ata se trupat koreane nuk janë ushtri okupatore, por janë forca të pozicionura të sigurojnë ndihmat humanitare.”

Shkruar nga englishnews@chosun.com
(Nga anglishtja: Bahri Curri)
Burimi: fjalaebukur.com

Marrë nga:
http://english.chosun.com/w21data/html/news/200405/200405280041.html