Muhammed A. Hobohm

[Diplomat - Gjermani]

" Përse ne në Perëndim po e pranojmë Fenë Islame? "

Arsyet janë të shumta. Arsyeja e parë është: E Vërteta gjith­monë ka fuqinë e saj. Parimet kryesore të Fesë Istame janë racio­nale, natyrore dhe aq tërheqëse, saqë për një hulumtues të nder­shëm të së vërtetës është e pamundshme të mos impresionohet prej tyre. Për shembull: Besimi në një Zot (Monoteizmi). Sa na­tyrshëm udhëheq Feja Islame në barazinë e njerëzimit, sepse të gjithë jemi krijuar nga i njëjti Krijues dhe të gjithë jemi shër­bëtorë të të njëjtit Zot.


Për kombin gjerman, në veçanti, besimi në Zotin është burim i frymëzimit, burim i trimërisë dhe burim i sigurisë. Ideja e jetës pas vdekjes të transformon. Besimi në Ditën e Gjykimit automa­tikisht e ndalon njeriun nga veprat e këqija, ndërsa e nxit të bëjë vepra të mira të cilat ia sigurojnë shpëtimin e përhershëm. Besi­mi në atë se askush s'mund t'u ikë pasojave të gjykimit nga ana e Zotit, e bën njeriun të mendojë mirë para se të bëjë ndonjë të keqe. Me siguri ky vetëkontroll është më efektiv se policia më e aftë në botë. Arsyeja tjetër që e tërheq të huajin ta pranojë Fe­në Islame është toleranca. Namazi i përditshëm e edukon njeriun me përpikëri, ndërsa agjërimi në muajin e Ramazanit e ushtron besimtarin në vetëkontroll. Pa dyshim, vetëkontrolli dhe disiplina janë virtyte nga më të rendësishmet për një njeri të mirë, për një burrë të vërtetë.

Komunizmi kishte gjëra pozitive, tërheqëse, sikurse që kanë edhe demokracitë shekullare, por asnjëra prej tyre nuk ka një kod të përsosur për një jetë të ndershme, bujare. Vetëm Feja Islame për njerëzimin është e përsosur dhe kjo është arsyeja që unë e pranova dhe që njerëzit e mirë e përqafojnë atë.

Feja Islame nuk është një fe teorike. Aq më tepër ajo është një fe praktike dhe kuptimi i saj është: Nënshtrim i plotë ndaj Vullnetit të Zotit.


Burimi: kurandhesunet.net